LEGAZPI CITY—Padagos na nagdudugang an nagpundo sa pamamasada sa provincia kan Albay makalihis an nagpapadagos na krisis sa langis sa nacion.
Segun ki Basta Driver Safety Enforcer President Ronel Nebres, sa intrevista kan Bombo Radyo Legazpi, nasa 40% na an nagpundong mga driver sa saindang pamamasada kawsa kan paghalangkaw sa presyo nin produktong petrolyo.
Dugang niya na may nakaolay siyang mga driver na hasta sa ngunyan nagpapasada kun sain sinabing an dati suboot na full tank an ngunyan nakakasarong ikot na sana ini sa biyahe, siring man na kun ano kuta an maidedelinsya an nababawas na sana sa pagkarga nin diesel.
Sa presente naghanap nin ibang trabaho siring kan construction an mga nagpundong driver sa pamamasada huli sa sierto suboot na makakakua sindang ganansya nin P500-P600.
Mientrastanto, pangapudan ni Nebres sa gobierno na kun pwedesir madugangan an saindang ipigpromesa na ayuda asin fuel subsidy para sa mga driver huli sa kakarampot ini para sainda asin kulang ini sa ikot kan pamamasada sa tahaw kan padagos na paghalangkaw sa presyo nin produktong petrolyo.
