LEGAZPI CITY- Nag-abot sa 37 kilos nin hot meat an nakumpiskar kan Legazpi City Vetirinary Office asin Bicol Communicators and Environmental Rescue Group (BCERG) sa isinagibong surprise inspection sa duwang barangay sa ciudad nin Legazpi.
Sa intrevista kan Bombo Radyo Legazpi kay Legazpi City Vetirinary Office head Dr. Emmanuel Estipona, tolong paratienda hale sa barangay Taysan asin Jumapon an nakuwaan kan mga nasabing karne na dae man nag-agi sa meat inspection asin slaughter house.
Segun kay Estipona, nakatalaan ng sangatan nin kasong pagbayolar sa Meat Inspection Code of the Philippines an nasabing mga paratienda mantang pigtapok naman an mga nakumpiskar na karne ngani na dae na makaon pa kan tawo.
Katakod kaini, nagpatanid an opisyal sa mga konsumidor na maging mas maingat sa pagbabakal ni karne lalo na ngunyan na pigkakahandalan an posibleng paglaog kan African swine flue (ASF) na negatibo pa man sa ngunyan sa rehiyon.
Inasegurar man ni Estipona na padagos pa an mga isasagibong surprise inspection asin pagdakop sa mga pasaway na mga paratienda sa ciuad.
