LEGAZPI CITY- Pinagsasairarom ngunyan sa assesment an nasa 619 school buildings sa provincia kan Albay ngani na mahiling kun ano pang mga preparasyon an kinakaipuhan para sa 2025 elections.
An nasabing mga classrooms kaya an magseserbing polling precints para sa pirilian.
Segun ki Albay Schools Division Spokesperson Froilan Tena sa intrevista kan Bombo Radyo Legazpi na igwang nasa 8, 949 classrooms an provincia.
Basado sa enot na assesment na nasa 2, 753 sa mga ini an kinakaipuhan nin major repairs makalihis maapektaran kan nakalihis na mga kalamidad o katampad nin nasa 30.76% kan kabilugan na classrooms.
Nasa 72 na rooms man an para sa demolisyon huli ta bako na salbadong gamiton.
