Dai mababa sa tolong (3) Palestinian an nagadan sa Gaza kan Sabado makalihis kan duwang magkasuhay na air strikes kan Israeli military, segun sa local health officials asin mga medics kan Palestinian.
Ini an pinakahuring pangyayari sa ibong kan sarong U.S.-brokered ceasefire na nag-iiral nang labi limang (5) bulan.
Sinabi kan mga Palestinian health officials na sarong lalaki an nagadan sa sarong air strike na pigtutubodan na yaon sa sarong behikulo sa Khan Younis sa southern Gaza, mantang duwang magtugang na lalaki an nagadan sa Shujiaya, sarong lugar sa Gaza City.
Dae tulos nagpaluwas nin pahayag an Israeli military manungod sa duwang (2) air strikes.
Poon kan ipa-otob an ceasefire sa pagultanan kan Israel asin Hamas kan Nobyembre, labi 680 na mga Palestinian an nagadan sa Gaza, segun sa mga local health officials.
Poon kan magpoon an gera kan Oktubre 2023, labi 72,000 an naireport na nagadan.
Segun sa Hamas-affiliated Shehab News Agency, nagadan an magtugang na lalaki makalihis na nagprobar na kidnapon sinda kan sarong Israeli-backed Palestinian militia sa Gaza.
Pinahimutikan man kan Hamas o iba pang mga militanteng grupo na miyembro ninda an magtugang.
Segun sa mga testigo, armado an magtugang asin nakipaglaban sa mga militia antes na pigpuntirya kan mga drone.
Ipigreport man na nagpaputok man mga an Israeli tank.
Sa ibong kan ceasefire, nagpapadagos an kadahasan sa Gaza.
Segun sa mga opisyales sa salud na dai mababa sa 40 na Palestinian an nagadan kan mga pwersa kan Israel poon kan magpoon an gera sa Iran sarong bulan na an nakaagi.
 Palestinians were killed in Gaza on Saturday after two separate air strikes by the Israeli military, according to local health officials and Palestinian medics.){kind=link}