LEGAZPI CITY – Nasungkit kang tulong estudyante na gikan sa Legazpi City Science High School ang Creative Award mantang nakua ang ikaanom na pwesto sa kabilugang 41 competing countries sa kakatapos pa sanang World Robot Olympiad na ginibo sa Brecia, Italy.
Segun ki Dr. Santi Araña, ang tagapagtaram kang Schools Division (SDO ) Legazpi, sa intrevista kan Bombo Radyo Legazpi, parte suboot ini kang Project Hakbang na nagmamawot na magkaigwa nin sustainability sa urban development sa ibong kang nagalalalang epekto kang climate change na apektado pati na an food security kan sarong nacion.
An mga estudyante na nagpahiling kan saindang tibay iyo sinda Ethan Jay Balute, Tristan Jin Benitez, asin Jeanne Mikaela Rañeses, na nasa senior high school program kan Legazpi City Science High School.
Pagtataong duon ni Araña, na bako na suboot ini primerong pagkakataon na mapabilang sa sarong international competition asin makipagsabayan sa mga matitibay na student inventors na gikan sa manlaen laen na nacion.
Nakatalaan man suboot na i-presentar an mga kaakian na ini sa Sangguniang Panlalawigan kan Albay huli sa panibagong honra na hatod kan Philippine Team sa international arena.
Nagpaabot man nin pasasalamat si Araña sa mga magurang kang mga estudyanteng ini na labi ang itinaong suporta sa talento kan saindang mga kaakian.
Kung babalikan, saro man sa mga produkto kan nasabing eskwelahan an nakapag-imbento nin sarong gadget na pwedeng magamit sa pagmomonitor kan underground activities na si Aristotle de Leon na sa ngunyan napapakinabangan na kang bilog na mundo ang naunambitang imbensyon.
Mientastanto, inasegurar man ni Araña na magpapadagos ang Festival of Talents sa lambang eskwelahan kang SDO Legazpi.
