LEGAZPI CITY – I-evaluar asin ia-assess kan mga evaluators hale sa manlain-lain na inimbitaran na national government agencies an kahandaan kan Pili, Camarines Sur asin iba pang lokal na gobierno katakod kan 2019 2nd Quarter National Simultaneous Earthquake Drill.
Sa intrevista kan Bombo Radyo Legazpi ki Office of the Civil Defense (OCD) Bicol Director Claudio Yucot, magsisirbeng pilot area para sa nasabing aktibidad an lugar.
Kaibanan sa mga magigin scenario sa drill an pagka-trap sa nag-collapse na edificio asin pagkaraot kan dakol na tinampo o tulay.
Malabo man suboot an pagkakaigwa nin liquefaction urog na halangkaw man an bulod.
Enot naman na ipigkondusir sa banwaan kan Daet sa Camarines Norte an earthquake drill kan enot na kabtang kan taon.
Mientras tanto, inengganyar man kan opisyal an pakikisumaro kan lambang saro sa nasabing aktibidad.
