Pighayag kan Department of the Interior and Local Government na pig-iimbestigaran na an nasa 24 na mga lokal na opisyal huli sa biyahe kan mga ini sa ibang nacion sa tahaw kan pangrarapado kan bagyong Uwan.
Kadaklan sa nasabing mga opisyal an mga alkalde.
Sinabi ni Interior Secretary Jonvic Remulla na sa panahon kan emerhensya, kinakaipuhan kan mga alkalde asin mga konsehal na maghagad nin permiso sa ahensya para sa mga biyahe kaini sa ibang nacion.
Mandato suboot kan mga ini na antisiparan an nagdadangadang na kalamidad.
Dugang pa ni Remulla na an nasabing aksyon kan mga lokal na opisyal an maikokunsiderar na gross insubordination asin abandonment of duty.
Marurumduman na siyam na mga opisyal kaibanan na an walong alkalde asin sarong Sangguniang Panlalawigan member sa provincia kan Cebu an igwang foreign trips sa United Kingdom.
