LEGAZPI CITY-Gadan an sarong 23-anyos na babae kan laogon sa saiyang apartment asin pagbabadilon kan dai pa bistong lalaki sa Antipolo City.
Dead-on-the-spot man an biktimang si alyas “Erika”, na residente kan Barangay Cupang, Antipolo City.
Basado sa impormasyon kan mga otoridad, alas-9:00 nin gabi kan mangyari an insidente sa pigteteniran na apartment kan biktima.
Nangyari suboot an insidente mantang nakikipag-istoryahan an babae sa saiyang amiga sa laog mismo kan apartment unit, kan igwang makusog na tadyak sa pintuan asin naglaog an gunman asin pinagbabadil an biktima.
Nagtakas suboot an suspek asin binayaan an biktima na nakabulagta.
Pigiimbestigaran na kan polisya an insidente.
