Gadan an duwang pulis asin sarong empleyado kan Bureau of Corrections (BuCor) kan banggi kan Biernes Santo, Abril 3, makalihis an insidente nin pambabadil sa Barangay Irawan sa Puerto Princesa City, Palawan.
Segun sa mga residentes sa lugar, nagkaigwa nin komprontasyon an mga police officers asin nagkapirang bystanders poco mas o menos alas 9:40 kasubanggi.
Naghale an mga pulis sa lugar alagad suboot nagbalik na may darang backup na nagresulta sa saro pang komprontasyon na natapos sa badilan.
Binisto an mga nagadan na sinda Police Staff Sergeants Ryan Cris Cabaña asin Jayson Fernandez, gabos nakadestino sa Puerto Princesa City Police Station 2 asin Jerson Ojario Talon kan BuCor.
Pigsugo ni Puerto Princesa City Police Office (PPCPO) Director Police Colonel Cristine Tabdi an mahiwas na imbestigasyon sa krimen asin naglansar man nin manhunt operation ngani na mabisto asin madakop an mga suspetsado.
Ipinagsugo man kan Police Director an pagpuon kan case buildup asin pagpakusog kan operasyon.
Sarong Special Task Group an nabilog man nganing magtutok sa kaso.
 were killed on Good Friday night, April 3, after a shooting incident in Barangay Irawan in Puerto Princesa City, Palawan.){kind=link}