Duwang piloto an binawian nin buhay makalihis bumangga an sarong Air Canada Express na eroplano sa sarong fire truck sa runway kan LaGuardia Airport sa New York.
Nangyari an insidente mantang papalapag ang Flight AC8646 gikan sa Montreal na pigpapadalagan kan Jazz Aviation.
Lunad kan eroplano an 72 pasahero asin apat na crew na gabos nakaligtas, mantang an iba an nagsapar nin minor injuries.
Tulos na isinara an eropuerto asin nagluwas nin ground stop ang Federal Aviation Administration (FAA), na nagresulta sa pagkanselar o pag-divert kan labi 500 flights pasiring sa JFK asin Newark airports.
Labing nadestroso an cockpit kan eroplano, mantang pig-iimbestigaran kan FAA asin National Transportation Safety Board (NTSB) kun nata yaon duman an fire truck sa runway sa oras kan paglapag.
Nagkawsa an trahedya nin istorbo sa rinibong pasahero asin pigkonsiderar na saro sa pinakamalalang insidente sa LaGuardia sa mga nakalihis na taon.
Padagos an imbestigasyon nganing maaydentipikar kun operational error, miscommunication, o iba pang salik an rason kan banggaan.
