LEGAZPI CITY-Gadan an duwang Lalaki sa nangyaring kasulo sa boarding house sa Purok 1, Pag-asa, Barangay Rawis, Legazpi City.
Segun kay Bureau of Fire Protection Albay Provincial Fire Marshal Fire Superintendent Jerickson Miraflor, sa intrevista kan Bombo Radyo Legazpi na nangyari an kasulo kan Hulyo 28 nin maagahon asin na-trap an duwang indibidwal sa laog kan nasabing edificio.
Saro suboot ining 3 storey residential building na igwang boarding house asin igwang portion na piggagamit bilang ofisina.
Nasa 15 boarders man an nagtetenir digdi asin afuera sa duwang nagadan, duwa an nairido.
Nakapag-respunde man an mga bumbero asin nag-abot sa first alarm an kasulo.
Basado sa inisyal na assessment kan ahensya, nasa electrical an kawsa kan kasulo asin nag-abot sa labi P5-Milyon an danyos sa property kaini.
Nadamay man digdi an tulo pang behikulo na naka-parada sa lugar.
Huli digdi, pagirumdom kan opisyal na isipon pirmi an safety orog na kun igwang pigpapa-rentahan na boarding house, asin siertuhon na nagsusunod ini sa mga otoriad.
Siring man dapat igwang permit ngani mabisita asin igwang compliant sa mga regulasyon arog kan fire code ngani maibitaran an mga aksidente.
