LEGAZPI CITY – Irido an duwang katawo makalihis an salpukan kan duwang motorsiklo sa tinampong sakop kan Barangay Sipi, Bato, Catanduanes.
Segun ki Bato Municipal Police Station Officer in Charge Police Staff Sergeant Renen Delos Reyes sa intrevista kan Bombo Radyo Legazpi na basado sa saindang imbestigasyon an nagluluwas na an behikulo na pigmamaneho ni alyas “Jo” asin behikulo na pigmamaneho man ni alyas “Jeff” an nagkasabatan sa sarong junction na agihan na nagkawsa kan banggaan.
Pwedesir suboot na dae narisa ni Jeff na may nagbabalyo sa ibong na linya kan tinampo asin nagkabulagaan huli man sa rikas kan pangyayari.
Sa kagayunan suboot an bako man malala an pigsapo na mga lugad kan duwang driver na tulos man nakaluwas sa hospital alagad nagtetenir sa kustodiya kan Bato MPS an duwang motorsiklo.
Pigtaram pa kan opisyal na pigkokonsidera ninda an insidente bilang sarong isolated case asin tulos nindang narespondehan an insidente nin dae malagpas sa limang minuto.
Abiso niya man sa mga motorista na permihang paghilingon an palibot nganing malikayan an pagka-aksidente huli sana ta dae nahiling na may nag-aagi man na tawo o hayop sa sarong parte kan tinampo.
Mientrastanto padagos man an saindang pagbabantay sa nasabing banwaan nganing mamantenir an pazy orden kasunod kan pag-obserba kan national crime prevention week asin paglaog kan “ber” months na kalimitang naghahalangkaw an numero kan mga naiirehistrong krimen asin aksidente.
Pagirumdom ni Delos Reyes sa mga driver na huli ta wala-too na naman an selebrasyon an ibitaran an pagmamaneho mantang naka-inom nganing makalikay sa ano mang klase nin insidente ngonian na kapaskuhan.
