Gadan an duwang katawo mantang nagkapira an nawawara makalihis an strike kan Russia sa sarong dakulang hardware store sa Kharkiv, Ukraine.
Segun sa pamayo kan Regional Prosecutors Office kan Kharkiv, na empleyado kan hypermarket an duwang lalaking nagadan.
Piglalaoman na posibleng madugangan pa an nasabing numero kan casualty.
Segun sa alkalde kan Kharkiv na igwang 200 na katawo sa nasabing edificio kan mangyari an strike kan Russia kun sain 15 empleyado kan nasabing tindahan an dae mahanap kan mga otoridad.
Inapod man ni Ukrainian President Volodymyr Zelensky na ”brutal attack” an nasabing strike kan Russia.
