LEGAZPI CTY-Gadan an 2 katawo mantang an siyam na iba an irido makalihis na magbaliktad an sarong L300 van sa Barangay Cadajug sa banwaan kan Laua-an, Antique.
Binisto an mga nagadan na sinda Geiril Farajillo Templora, 21-anyos, residente kan Barangay Guinsang-an, Hamtic asin Kristinelle Granada Estandarte, 20-anyos, residente man kan District 1, Sibalom, Antique.
Segun kay Police Executive Master Sergeant Jeanith Garcesa, deputy chief of police kan Laua-an Municipal Police Station, hale an van sakay an mga estudyante kan University of Antique main campus sa banwaan kan Culasi.
Alagad, pag-abot ninda sa lugar, nag-overtake an suminunod sainda na saro pang van kung sain imbes na bumangga sa likudan n aparte kan behikulo an kinabig kan driver na si Soriano Almonte, 57-anyos an manibela na nagin rason kan aksidente.
Dai naman nakaabot na buhay sa ospital an 2 pang estudyante na nagsapo nin ng fatal na lastro sa manlain-lain na parte kan saindang lawas mantang irido man an iba na padagos na pigbubulong sa ospital sa Antique.
Sa presente, nagpapadagos pa an imbestigasyon kan pulisya sa nasabing aksidente.
