LEGAZPI CITY-Idineklara kan House Committee on Justice na “insufficient in substance” o may kakulangan an duwang isinangat na impeachment complaint kontra kay Pres. Ferdinand Marcos Jr.
Sa isinagibong botohan, 42 an nagpabor, 3 an nagtutol, asin 1 an nag-abstain sa reklamong isinangat ni Atty. Andre de Jesus asin inindorso ni Rep. Jett Nisay.
Mientrastanto sa hiwalay na vote, 39 an nagkontra asin 7 an nagpabor, kun sain ibinasura an reklamong isinangat kan Makabayan bloc na nagsasabing may “betrayal of public trust” si Marcos katakod kan suboot bako patas na alokasyon kan pondo sa mga proyekto sa imprastruktura.
Kan Pebrero 2, parehong reklamo an enot nang binisto bilang “sufficient in form,” alagad nagluwas na bako suboot bastante an mga ebidensya asin batayan ngani maipadagos ini sa plenaryo.
Segun sa mga myembro kan komite na importanteng matukoy an mga reklamo na may bastanteng ebidensya asin matibay na substance bago isalang mas mahiwas na deliberasyon kan kamara.
