Pinag-aantisiparan kan Philippine Atmospheric, Geophysical and Astronomical Services Administration (PAGASA) na magkakaigwa nin duwa hasta apat na bagyo ngunyan na bulan kan Hulyo 2026.
Segun sa state weather bureau, padagos na magiging aktibo an southwest monsoon o habagat na magdadara nin paminsan-minsan na makusog na pag-uran, partikular na sa kanluran na parte kan Luzon asin Visayas.
Dugang pa kan ahensya na an enot na bagyo ngunyan na bulan iyo an dating low pressure area na naging ganap na bagyong “Henry” kan Miyerkules.
Mientras tanto, pinaglalaoman pa an paglaog kanmga masunod na bagyo na papangaranan na “Inday,” “Josie,” asin “Kiyapo,” na posibleng tumama sa Eastern Visayas asin Luzon o magpakusog kan epekto kan habagat.
Padagos man na pinagirumduman kan weather bureau an publiko na maging alerto sa posibleng pagbaha asin pagrasay nin daga huli sa mga pag-uran samasunod na mga aldaw.
