LEGAZPI CITY — Nagpapadagos pa sa presente an imbestigasyon kan mga otoridad sa duwang estudyante na naaktuhan kan mismong hepe kan Legazpi City Police sa pagbalgar sa Anti-Vandalism Ordinance kan ciudad.
Binisto an mga ining sinda Jeremy Sitoy, 18-anyos, senior high student asin residente kan Brgy. San Felipe sa ciudad kan Naga asin Novelyn Vidaño, 20-anyos na 4th year Mechanical Engineering student.
Susog sa impormasyon kan pulisya, dara pa kan duwa an spray paint kan mahiling ni P/Supt. Nilo Berdin Jr.
Isinairarom naman an duwa sa magkakanigong disposisyon asin medikal na eksaminasyon sa Bicol Regional Training and Teaching Hospital (BRTTH).
Sa presente, pighahanda naman an posibleng paninimbagan kaini partikular na sa pagibo kan malicious mischief asin pagsurat sa mga pagsadiri kan gobierno asin pribadong indibidwal.
