Naki-aram an mga barko kan China Coast Guard (CCG) sa isinagibong Kadiwa operations kan Philippine Coast Guard (PCG) sa Bajo de Masinloc segun kay Commodore Jay Tarriela, tagapagtaram kan PCG para sa West Philippine Sea.
Mantang nagdadara nin tabang para sa mga parasira na Pilipino sa paagi kan Kadiwa program, agresibong nagharang an nagkapirang barko kan China sa mga sakayang pandagat kan Pilipinas.
Sa tahaw kan tensyon, nagkabanggaan an duwang barko kan CCG mantang pighihingoang pugulan an operasyon kan PCG.
Apwera sa banggaan, ginamit man an mga water cannon sa mga barko kan PCG asin Bureau of Fisheries and Aquatic Resources (BFAR), kabale na an BRP Bagacay asin BRP Bankaw na nagsapo nin danyos sa nagkapirang parte kan barko.
Segun sa PCG, apat na barko kan CCG asin anom na Chinese maritime militia vessels an imbuelto sa insidente.
Kinondenar kan PCG an pakikiaram kan China, urog nang an operasyon an para sa karahayan kan mga lokal na parasira.
An insidente an nagpapahiling liwat kan padagos na tensyon sa West Philippine Sea asin an pangangaipuhan kan mas matatag na aksyon nganing maprotektaran an direchos kan Pilipinas sa sadiring teritoryo.
 participated in the Kadiwa operations of the Philippine Coast Guard (PCG) in Bajo de Masinloc according to Commodore Jay Tarriela, PCG spokesperson for the West Philippine Sea.){kind=link}