LEGAZPI CITY-Inaprubahan kan House Committee on Justice an committee report na nagsasabing may “probable cause” o supisyenteng basehan sa mga impeachment complaints laban kay Vice President Sara Duterte.
Nagkasararo an 55 kongresista na nag-atendir digdi asin nag-boto na pabor sa mosyon.
Ipinahiling kan “unanimous vote” an makusog na suporta kan mga miyembro kan komite sa nasabing lakdang bilang parte kan saindang proseso sa importanteng mga isyu.
Huli digdi, nakahanap an komite nin supisyenteng basehan ngani ipadagos an proseso kan impeachment.
An nasabing lakdang parte kan constitutional process kun saen pigbubusisi kan Kamara an mga reklamo bago ini tuluyang ihampang sa plenaryo para pagde-desiyon.
