LEGAZPI CITY- Inasegurar kan Philippine National Police (PNP) an pagtataong-seguridad sa nawalat na pamilya kan ginadan na si Ako Bicol Party-list Representative Rodel Batocabe, siring man sa iba pang kaibanan kaini sa partido.
Sa intrevista kan Bombo Radyo Legazpi ki Cong. Alfredo Garbin Jr., mismong si PNP Chief Dir/Gen. Oscar Albayalde an naghayag kaini sa isinagibong security briefing kaibanan si House Speaker Gloria Macapagal Arroyo.
Segun ki Garbin, bukas an pulisya sa security measures sa mga aktibidad kan mga pulitiko sa banwaan tangarig massegurar na warang mabungkaras na kadahasan katakod kan paparaning pirilian.
Afuera sa nasabing orolay, diniskutir man an iba pang mga bagay asin ebidensya sa kaso kan panggagadan ki Batocabe alagad nagsayuma nang ihayag ini sa publiko.
Sa ibong na lado segun ki Garbin, pinag-aadalan nang isairarom sa Witness Protection Program (WPP) an duwa hasta sa tulong testigo.
Pag-eksplikar kan lehislador an mga ini an may “least guilty participation” sa naturang krimen subalit tututukan pa ang “nature” ng mga testimonya na posibleng magdala sa conviction ng mga responsable.
