LEGAZPI CITY-Pig-iimbestigaran an 15-Milyon na kantidad nin bulong kan Catanduanes Provincial Government kun sain dai ini pinaagi sa bidding asin award mantang pinayagan na mai-deliver.
Segun kay Catanduanes Governor Patrick Alain Azanza, sa intrevista kan Bombo Radyo Legazpi, na sarong kontrobersiyal na transaksyon ini kan dating administrasyon kan Catanduanes kun sain nakumpiskar an mga bulong na nagluwas na nai-deliver na asin ginamit na sa mga medical mission alagad ngonian pa sana piggigibuhan nin bidding document.
Dagdag pa ni Azanza na poon kan Mayo 2025 pa sana ini nagkaigwa nin request kun sain dapat suboot na mag-agi ini sa bidding asin sa tamang proseso ngani na maihatod sa mga namamanwaan.
Magsasagibo suboot siya nin bagong bidding, asin ia-award an proyekto sa kun sisay an manggagana digdi.
Pigkwestyun man ni Azanza an pagtanggap kan mga bulong nin warang mga dokumento asin sinabi suboot na natanggap na ini asin napirmahan sa sarong delivery kun sain nagluwas man na kulang ini sa P15-Milyon.
Padagos man suboot an imbestigasyon kan mga anomalya sa transaksiyon sa saindang provincia.
Enot naman na sinabi kan opisyal na igwa man nin saro pang transaksyon dati kun sain igwang delivery na nasa P100-Milyon alagad wara man nin mga dokumento.
Makamundo man suboot an mga siring na transaksyon kan mga nakaaging administrayon kun sain dapat na ipigbabarewas ini sa gabos na mga namamanwaan.
Dugang pa kan opisyal na sisiertuhon niya na bako “ghost delivery” an mga ini, asin magagamit kan mga igwang helang asin mapapakinabangan kan gabos.
Pigsasanay niya man suboot an gabos na mga Catanduanon na dapat hale sa gobierno an mga pigtatao asin magayon ini ngani ma-apresyar ninda an tabang hale sa lokal na gobierno kan provincia.
