LEGAZPI CITY-Nasa 13 an pig-holdap kan duwang armadong lalaki sa Pasay City kan Biyernes asin segun sa pulisya, duwa sa mga ini an linugos pa.
Basado sa impormayson kan Pasay City Police Station, nangyari an insidente kan12:55 nin pagka-aga.
Sa inisyal na imbestigasyon, naglaog sa establisimyento kan mga masahista an mga lalaki na sakay kan sarong puting motorsiklo asin digdi na nagdeklara nin holdap.
Kinuwa man kan mga suspek an mga gamit kan 13 massage therapist asin linugos an duwa sa sainda.
Nagsagibo man nin technical investigation an Special District Forensics Unit, sa pinangyarihan kan krimen asin nakakuwa nin ebidensya para sa forensics examination.
Nagsasagibo na man an naman tracker team kan Pasay City Police Station kan backtracking asin forward tracking kan CCTV ngani maaraman an rutang inagihan kan mga suspek.
Nagsagubo man nin photo identification, kung sain positibong ipigturo kan mga biktima an saro na bisto sa alyas na “Ashley”, 23 anyos, asin residente kan Pasay City.
Kairiba an lalaki sa e-rogue list kan pulisya, na siyang nanglugos sa duwang biktima.
Naglunsar na man nin hot pursuit operations an pulisya para sa ika-aaresto kan mga suspek
