LEGAZPI CITY-Nasa dosenag katawo an nagadan asin 30 iba pa an nairido sa pambobomba sa sarong checkpoint kan pulis sa Northwestern Pakistan.
An insidente nangyari sa distrito nin Dera Ismail Khan kan probinsya kan Khyber Pakhtunkhwa.
An mga awtoridad nakadangog nin sunod-sunod na putok nin badil pagkatapos kan nasabing pagsabog.
Sinabi kan hepe kan pulis na si Safdar Baloch na kadaklan sa mga nagadan, iyo an mga security personnel asin mga nag-aaragi sa lugar.
Wara pang grupo an nag-ako kan responsibilidad sa nangyaring pagsabog sa lugar.
An mga awtoridad makusog na nagdududa na an Pakistani Taliban, na bisto sa apod na ‘TTP’, na naggibo nin mga pag’atake sa Pakistan kan nakaagi, an posibleng nasa likod kan nasbaing pag’atake.
