Nakapagrehistro an Department of Health (DOH) nin 1,091 road crash incidents sa enterong durasyon kan pag-obserbar kan Holy Week ngonian na nakaaging semana.
Segun ki DOH Spokesperson Albert Domingo, nairehistro an datos poon kan Marso 29 na iyo an Domingo de Ramos hasta kan Abril 2, Huwebes Santo.
An naunambitang numero suboot an mas halangkaw nin 150% kumpara sa 437 na road crash incidents na nairehistro kan nakaaging taon kan 2025.
Sa ibong kaini, sinabi ni Domingo na dai nangangahulugan na nagdadakol na an mga aksidente sa tinampo, imbes an posibleng mas dakul na ospital an simpleng nagtatao kan saindang report.
Dugang pa ni Domingo na sa saro pang pananaw, importante man suboot an paghiling kan publiko sa bagay na ini, huli ta gabos ini an rason nganing mahiling kun ano pa an dapat likayan nganing maibitaran an siring na mga aksidente sa tinampo.
Mientrastanto, sa kabilogan kan datus, nagluluwas na mas dakulang numero an nairehistro sa Central Luzon na may 196, sinundan kan Davao Region na may 161 asin Ilocos na may 159.
 registered 1,091 road crash incidents during the entire duration of the observance of Holy Week this past week.){kind=link}