LEGAZPI CITY- Maabot sa 10,000 na mga paraoma sa rehiyong Bicol an makakaresibe nin 10, 000 cash assistance gikan sa Presidential Assistance to Farmers and Fisherfolk (PAFF).
Segun kay Lovella Guarin, an Regional Agriculture and Fisheries Information Section kan Department of Agriculture Bicol sa intrevista kan Bombo Radyo Legazpi, tig 5,000 na mga paraoma gikan sa probinsya kan Camarines Sur asin Albay an benipisyaryo kan nasabing asistensiya.
Ini an mga pinaka naapektaran na paraoma sa nakalihis na panrarapado kan bagyong Kristine.
Alagad susog sa datos kan DA igwang kabilugan na 85,000 na mga paraoma asin fisherfolks an naapektaran kan kalamidad sa kabikolan.
Mismong si Presidente Bongbong Marcos Jr. an personal na nagtao kan asistensya sa mga paraoma ngunian na aldaw.
Mientrastanto, uminabot na sa P3.2 billion an danyos sa agrikultura sa Bicol region.
Segun pa kay Guarin maabot na sa 556,000 metric tons an losses sa 70,000 hektaraya sa rehiyon kun saen kadaklan digdi an naapektaran iyo an parayan.
Huli digdi, igwa man nin bufferstock an nasabing ahensiya na ipapanao sa iba pang mga apektadong mga paraoma sa Bicol.
