LEGAZPI CITY — Karsel an bagsak kan sampulong persona kaibanan na an sarong menor de edad makalihis na maarestar sa ipigkondusir na operasyon kan mga kapulisan kontra sa iligal na pagsusugal.
Enot kaini, naarestar kan mga personahes kan Irosin Municipal Police an mga suspek na sinda Rolando Ondevilla, 23-anyos; Eduardo Gabarda, 53-anyos; Emilia Agapan, 69-anyos asin sarong dae na pinangaranan na menor de edad.
Narekober sa mga ini an nasa P400 asin gambling paraphernalia mientras na ipig-turn over na an nasambitan na menor de edad sa Women and Childrens Protection Desk.
Mientras tanto, sa suway na operasyon kan Sorsogon City Police, naarestar man an mga suspek na sinda Carlito Pontero, 58; Carlito Avenion, 57; Ernesto Palomar, 61; Laurencio Delenia, 65; Christian Fernicol, 30; asin Ariel Dioneda, 40-anyos.
Sa presente, nakatalaan na sangatan nin kaso an nasambitan na mga persona huli sa pagbayolar sa Presidential Decree 1602 Anti illegal gambling law.
