LEGAZPI CITY-Nakatakas an 10 persons deprived of liberty o (PDLs) sa Batangas provincial jail mantang pigiibahan sinda kan sa prison guard sa public utility room.
Naarestar man an lima sa mga PDLs kan magsakay an mga ini sa sarong pampasaherong bus.
Segun sa mga otoridad na tinutukan nin ice pick an guwardiya asin kinuha an fire arm kaini mantang nagtatakas an mga ini pasiring sa Barangay Quilo, Ibaan, Batangas.
Segun man kay Provincial Administrator Atty. Joel Montealto, bagong pasilidad an provincial jail asin bako maayos an security protocols sa pasilidad.
Dai pa naghahaloy kan mailipat kan Hulyo 24 an haros nasa 792 na mga lalaking PDLs.
Sa sarong operasyon, nakaresibe nin impormasyon an mga awtoridad na lima sa mga PDLs an nagsakay sa sarong bus asin naulangan sa Sto. Tomas City sa Batangas.
Segun sa hepe kan Sto. Tomas City Police Station, nagkaigwa nin negosasyon asin matuninong na nagsuko an mga PDL makalihis an 30 minutos.
Wara man suboot na nangyaring hostage taking sa laog kan bus.
Narekober sa sainda an sarong badil asin kutsilyo.
Tulong PDLs man an nasakote pa mantang pighahanap pa an duwa sa mga ini.
Sinabi man ni Batangas provincial government na walo sa nakatakas na mga PDL, naarestar na.
Pigtugon man ni Batangas Governor Vilma Santos-Recto na imbestigaran an nangyaring pagtakas kan mga ini.
