Ipapaapod kan House Infrastructure Committee (Infra Comm) si AKO Bicol Partylist Rep. Zaldy Co, dating House Committee on Appropriations Committee Chairman katakod kan imbestigasyon sa maanomalyang flood control projects.
Segun ki Infrastructure Committee Terry Ridon, na kun may mga dokumento na matatakod ki Co sa pirang mga pigkukwestyong flood control projects an ipapaapod ninda an lehislador.
Sa Sumbong sa Pangulo, si Co an pigsasabing ikaduwa sa top recipients kan flood control projects na nakakua nin 149 solo asin flood control projects na nagkakantidad nin P15.7 bilyon.
An nangengenot an mag-agom na si Pacifico “Curlee” Discaya II asin Cezarah “Sarah” Discaya na nasa P31 bilyon an nakuang deal sa construction projects sa panahon kan dating administrasyon kaiba an mga ghost flood control projects.
Pigsasabing nakakua nin darakulang proyekto an Sunwest Construction Company ni Co kan dating chairman pa ini kan House Committee on Appropriations puon Hulyo 2022-Mayo 2025.
