Dagos an pakikipaglaban kan aktres na si Yasmien Kurdi kontra bullying urog na para sa gabos kan nabibiktimang kajovenesan sa nacion.
Liwat na ibinandera ni Yasmien an isyung ini sa social media makalihis panindugan an reklamong isinunad niya sa sa Department of Education (DepEd) laban sa dating eskwelahan kan saiyang aki na si Ayesha Zara.
Personal na nagpasiring an aktres, kaiba an agom na si Rey Soldevilla, sa opisina kan DepEd nganig panimbagon an nasabing eskwelahan.
Ini an may kinaaraman sa suboot pambu-bully sa saiyang aki asin bilang pagtao na man nin hustisya asin proteksyon kan mga kajovenesan.
Sabi kan aktres, dae suboot natawan nin proteksyon kan nasabing eskwelahan si Ayesha na nakaeksperyensya suboot nin pambu-bully hale sa mga kaklase kaini.
Segun saiya mismong an aki niya an may kamawotan na magsunad sinda nin reklamo sa DepEd.
Nag-post si Yasmien sa saiyang social media account nin ladawan kaiba an agom asin pirang abogado kalakip an mensahe kan pasasalamat sa DepEd.
