LEGAZPI CITY – Ikokundusir sa ngunyan na aldaw an selebrasyon kan World Consumer Rights day sa syudad kan Naga.
Segun ki DTI spokesperson Jocelyn Berango, magkakaigwa nin aktibidad asin seminar an Department of Trade and Industry ngani na matawan nin giya an mga kunsomidores urog na ngunyan na kadakol nang mga online shops an nagruruluwasan sa internet.
An nasambitan na seminar an iwgang tema na ‘ Building a digital World, Consumers can trust” kun sain piglalaoman kadaklan sa mga maatendir sa seminar iyo an mellinials.
Pigkakarkulo man na maabot sa 200 an magigin partisipantes kaini.
Segun ki Beranggo, obheto kan saindang aktibidad na magkrear asin magpromotir nin mapagkakatiwalaan asin digital na ekonomiya na malalaoman kan mga konsumidores.
Mientrastanto, pigpayuhan man kaini an publiko na magin vigilante asin matali sa pagbakal nin anuman na produktourog na ngunyan na kadakol nang mga naglalakop na scam na nangloloko kan kalidad kan saindang produkto.
