Inihayag ng Women’s National Basketball Players Association (WNBPA) ang planong pagbabalik sa court ng mga teams para sa pinaikling WNBA 2020 season sa pagtatapos ng Hulyo.
Isinasapinal na lamang ang partnership sa IMG Academy sa Bradenton, Florida na magiging “official home” ng naturang season na mula sa competitive schedule na 22 regular-season games at susundan ng traditional playoff format.
Prayoridad pa rin umano ang kalusugan at kaligtasan ng mga players at staff sa 12 teams ng liga habang nakikipag-ugnayan na rin sa medical specialists, public health experts at government officials sa guidelines bilang pagtitiyak na masusunod ang medical protocols.
“We are finalizing a season start plan to build on the tremendous momentum generated in the league during the offseason and have used the guiding principles of health and safety of players and essential staff to establish necessary and extensive protocols,” ayon kay WNBA Commissioner Cathy Engelbert.
