LEGAZPI CITY- Sinierto kan mga otoridad an pagtutok sa salud asin seguridad kan mga atleta asin delegado sa nagpapadagos na Palarong Bicol 2026 na pigigibo ngunyan sa Legazpi City sa provincia kan Albay.
Marurumduman na pigkakarkulong nasa poco mas o menos 10,000 an presenteng nagpapartisipar sa sporting event.
Segun ki Department of Education Bicol Regional Medical Officer Dr. Sara Gillego na bukas an gabos na mga medical clinics ngani na magtao nin asistensya kun kinakaipuhan.
Napag-araman na igwa man na mga medical officers asin nurses na nakalatag sa mga venues asin billeting centers.
Sinabi kan opisyal na saro sa pigbabantayan ninda ngunyan iyo an halangkaw na heat index na posibleng magkawsa nin huma sa salud.
Katakod kaini, pinayuhan ni Dr. Gillego an mga atleta asin deligado na magtenir na hydrated sa tahaw kan mainit na panahon.
