LEGAZPI CITY – Supisyente suboot an pigkakaag na road signages o warning signs kan Department of Public Works and Highways (DPWH) Bicol sa mga tinampo urog na sa national road sa rehiyon.
Segun ki Lucy Castañeda, tagapagtaram kan ahensya, may mga designated areas suboot na pigkakagan kan mga karatula kun kaya bastante ini para sainda urog na sa mga populated areas arog kan eskwelahan asin sentro.
May mga naka-designar man na maintenance engineer sa kada zona o lugar kun kaya padagos an saindang pagtsi-check.
Enkaso man suboot na nakukulangan an mga residentes, segun ki Castañeda, pwedesir man na ireport ini sainda ngane magibuhan nin solusyon.
Hagad man kan opisyal sa mga residentes na dae pagkarawan an mga warning signs na ini huli sa pinaka-importanteng bagay ini ngane maibitaran an aksidente sa tinampo.
Alagad may koordinasyon man an ahensya sa PNP, kaipuhan man liwat an pagtarabangan kan gabos.// Naghagad man nin pasensya si Castañeda sa mga naitataong inconvience kaini sa mga residentes.
