LEGAZPI CITY- Wara man nairehistrong mayor na danyos sa syudad kan Masbate makalihis an pagtama kan magnitude 5.0 na linog kan nakalihis na aldaw, Agosto 27 sa nasabing lugar.
Kun babalikan, pigyugo an Monreal Masbate nin magnitude 5.0 alas 9:01 nin pagkabanggi kan nakalihis na martes.
Segun kay Isaiah Bigol, an Masbate City Disaster Management Office Chief sa intrevista kan Bombo Radyo Legazpi tulos na pig-inspection ninda an mga skwelahan asin iba pang public utilities alagad maswerte mang wara nin nairehistrong major damage.
Alagad nagkawsa an linog nin pagkatakot sa mga pasyente kan Masbate Provincial Health Office magin an mga indibidwal sa Masbate Sports Academy an nagruluwasan sa laog kan establisyemento.
Huli digdi, nagrequest sinda nin mga tents na nagsirbing temporary shelters para sa mga pasiente na nag-evacuate asin habo nguna magbalik sa ospital.
Nagkaigwa man nin class suspenssion para sa prevention porposes kun saen kinaipuhan na mainspekston nguna an mga lumang building para hilingon kun ligtas an lugar.
Segun sa opisyal, pinakiulayan na nguna ninda an mga school coordinators sa Masbate ngane na magsagibo nin pre inspection sa saindang mga eskwelahan sin ireport nalang sainda kun igwang nanutaran na mga danyos.
Sa ngunian wara pa man nairereport na major damage sa Masbate City.
Dugang pa kan opisyal na nagpapadagos pa hasta sa ngunian an saindang assessment asin nagsasagibo naman nin information campaign dapit sa mga dapat gibuhon kun enkaso may mga pagyugo.
