Wanted person sa kasong robbery, tiklo sa Legazpi City

LEGAZPI CITY – Naarestar kan mga otoridad an sarong wanted person na may kasong robbery sa ciudad kan Legazpi.

Segun ki Legazpi City Police Station Public Information Officer Police Executive Master Sergeant Carlos Paña sa intrevista kan Bombo Radyo Legazpi na binisto an suspetsado na si alyas “Jun”, 29 anyos, asin residente kan naunambitang ciudad.

Inarestar an suspetsado sa bisa kan mandamiento de aresto katakod kan saiyang kaso na robbery na may ipigrekomendang pyansang P60,000 para sa saiyang temporamenteng libertad.

Ipinaaram man suboot sa akusado kun ano an rason kan saiyang pagka-arestar asin an saiyang constitutional rights asin presenteng yaon sa kustodiya kan saindang hepatura mantang pighahanda an saiyang commitment order para sa Bureau of Jail Management and Penology.

Pigtaram pa kan opisyal na kadakol na an saindang naarestar na wanted person asin nagpapadagos an saindang pagdakop sa mga may warrant of arrest maski hararayo sa ciudad an saindang residensya o pigtataguan.

Nangapodan man si Paña sa mga may warrant of arrest na dae na magduwang isip na magboluntad na magsuko sa mga kapulisan mantang pwedesir mang magsuko sa mga barangay officials asin ipapahiling asin ipapaliwanag man kun nyata sinda aarestaron.