Pormal na nagsunad si Vice President Sara Duterte nin kasong perjury kontra ki Ramil Madriaga sa Taguig City Prosecutorโs Office.
Binanggit ni Duterte na si Madriaga, na akusado sa kasong kidnapping, an nagsaginsagin na campaign supporter antes nagluwas bilang testigo sa impeachment kontra saiya.
Marurumduman na si Ramil Madriaga an dating staff kan Office of the Vice President na kalaunan an nagsumiter nin affidavit na nagtataram na an kampanya ni Duterte an pinondohan suboot kan mga drug dealers asin Philippine Offshore Gaming Operators (POGOs).
An testimonya kaini an kaibanan sa mga dokumentong isinumiter sa ika-tulong impeachment complaint kontra sa bise presidente, na presenteng pigtutukar kan House Committee on Justice.
An reklamo an igwang anom na basehan kaibanan an suboot plunder, graft, salang paggamit nin pondo asin huma nin paggadan.
Pigduon ni Vice President Sara na dae dapat na pabayaan na lokohon an publiko kan mga imbentong istorya.
