Iisyuhan man giraray nin travel authority kan Malacañang si Vice President Sara Duterte kun may plano ining magbyahe liwat paluwas kan nacion.
Ini an pighayag ni Palace Press Officer Atty. Claire Castro kasunod kan pahayag kan ikaduwang presidente na naggigibo suboot nin istorya an Malacañang katakod sa saiyang mga biyahe.
Segun ki Castro, kun dae tatawan nin travel authority si VP Sara kun mahali nin nacion an piglalaomang may masasabi ini asin baka paluwason na sinasaklawan an freedom of movement kaini.
Dae man masabi ni Castro kun naglagpas na an Bise Presidente sa saiyang mandatory vacation leave,asin kun mangyari man, nasa desisyon man giraray ni VP Sara kun mawot kaining magluwas giraray kan nacion.
Naenot digdi, inakusaran ni VP Sara an Palasyo na naggigibo suboot nin istorya makalihis ihayag ni Castro na nabaretaan niyang planong magbiyahe sa Kuwait an ikaduwang Presidente ngunyan na Agosto makalihis makabalik gikan sa biyahe kaini sa Netherlands.
