Vice President Sara Duterte has questioned the move by the Philippine House of Representatives to provide protection to Ramil Madriaga, her alleged former "bagman", as the deadline for his response to the two impeachment complaints against him approaches.

Pigkwestyon ni Bise Presidente Sara Duterte an lakdang kan Kamara de Representantes kan Pilipinas na tawan nin proteksyon si Ramil Madriaga na suboot dating “bagman” kaini, mantang nagdadangadang na an deadline kan saiyang pagresponde sa duwang impeachment complaints laban saiya.


Sa duwang pahinang pahayag, sinabi ni Duterte na makahandal an “special treatment” na itinao ki Madriaga, asin inakusaran niya ini na kidnapper na nag-iimbento nin mga istorya.


An kahagadan suboot na tawan siya nin special treatment sa Kamara de Representantes an sarong dakulang insulto sa menor de edad na biktima na na-trauma kan saiyang mga kriminal na aktibidad.


Sarong kontradiksyon ini sa naenot na pahayag kan saiyang abogado na si Salvador Paolo Panelo Jr., na nagsabi na inako kan kampo kan bise presidente an proteksyon na itinao ki Madriaga.


Si Duterte igwa nin sagkod sa Lunes tanganing pormal na magresponde sa duwang reklamong impeachment.


Nagpaluwas kan notice kan Marso 5 an House committee on justice, alagad huli ta matatapos an 10-day deadline sa Domingo, Marso 15, tinugutan siyang magsumiter sagkod sa Marso 16.


Kun dai siya makasumiter sa laog kan ipigbugtak na panahon, ikokonsidera ini na sarong paglikay kan saiyang deretsos na magsumiter nin simbag, asin an saiyang posisyon ikokonsidera na sarong pangkalahatang pagnegar sa gabos na alegasyon.


Sa saiyang pahayag, nanindugan si Duterte na an impeachment sarong “fishing expedition,” asin sarong desesperadong pagporbar na makahanap nin ebidensya laban saiya.

RELATED ARTICLESMORE FROM AUTHOR