Plano kan Commission on Elections (COMELEC) na puonan an voter’s registration para sa Barangay asin Sangguniang Kabataan (SK) Elections sa enot na semana kan Agosto.
Segun ki COMELEC Chairman George Erwin Garcia, nakatalaan ining isagibo sa laog sana nin sampulong aldaw.
Aminado si Garcia na dipisil an saindang sitwasyon huli dae pa sierto kun madadagos o maooctaba an eleksyon para sa Barangay.
Saro sa saindang mga pigkakahaditan an posibilidad na madagos an eleksyon maski warang bastanteng numero kan mga rehistradong botante, urog na sa hanay kan kajovenesang may edad 15 sagkod 17.
Kun maisasakatuparan an saindang plano, tatapuson muna kan Registration Board an mga hearing bago mag-Agosto nganing mapuonan tulos an registration sa enot na semana kan nasabing bulan.
 plans to begin voter registration for the Barangay and Sangguniang Kabataan (SK) Elections in the first week of August.){kind=link}