Nagadan an veteran Minnesota lawmaker na si Melissa Hortman asin agom kaini makalihis badilon sa mismong harong kaini sa Brooklyn Park.
Ini an kinumpirmar ni Minnesota Governor Tim Walz kun saen inapod kaini na “politically motivated assassination” an nasabing insidente.
An suspek an binistong si Vance Luther Boelter, 57-anyos na nagpanggap bilang sarong pulis nganing maisakatuparan an pamamaslang sa mag-agom.
Afuera digdi an binaril man si Democrat Senator John Hoffman asin agom kaini na si Yvett sa Champlin, Minnesota, 15 kilometero an rayo hale sa Brooklyn kun saen pinaslang an mag-agom na Hortman.
Sa presente an nagpapadagos an piggigibong munhunt operation kan kapulisan asin FBI kun saen igwang ipigbugtak na $50,000 reward money para sa makakapagturo sa lokasyon kan suspek.
