Binawian na nin buhay an movie icon asin award-winning actress na si Cherie Gil sa edad na 59-anyos.
Susog ini sa kumpirmasyon kan pamangkin na si Sid Lucero asin amigang si Anabelle Rama.
Nabisto si Cherie sa matibay na pagganap sa mga pelikula, TV shows asin teatro lalo na sa pagigin kontrabida.
Kaibanan sa mga popular na pelikula kaini an “Oro, Plata, Mata” asin an “Bituing Walang Ningning”.
Alagad pinakanabisto ini sa pagganap na Lavinia Arguelles sa pelikulang “Bituing Walang Ningning” kaibanan si Sharon Cuneta.
Digdi man suminikat an iconic line niyang “you’re nothing but a second-rate, trying hard copycat!”
Pebrero kan presenteng taon, kan magpasiring sa New York si Cherie para magpuon nin panibagong buhay kaibanan an pamilya.
Nagdesisyon man ining ipabakal na an mga pagsadiri sa Pilipinas para mag-istar sa Amerika.
Mientras tanto, bulos man an nagpapaabot nin pakikidumamay sa pagkagadan kan aktres.
