Nag-abot sa P15.02 triliion an utang kan Pilipinas sa pagtatapos kan bulan kan Abril sa tahaw kan pagtamlay kan kantindad kan Philippine Peso segun sa Bureau of Treasury.
Mas halangkaw ini nin P91.5 billion o 0.61% puon kan Marso alagad nagtetenir na hibaba sa nairehistrong P15.18 trillion kan Pebrero.
Hali sa kabilugang utang kan gobierno, maabot sa P4.71 trillion o katampad nin 31.36% an external debt mantang 68.64% o katampad nin P10.31 trillion an internal na utang.
Nadagdagan nin P31.01 billion an internal debt kan Abril makalihis na magluwas an gobierno nin mas kadakol na securities.
Nakadagdag man nin P3.78 billion an pagluya kan peso sa foreign-currency-denominated domestic debt.
Magigirumduman na dakula an nautang kan nacion sa huring parte kan termino ni Presidente Rodrigo Duterte ngani na pondohan an pandemic response asin masustentuhan an infrastructure project kan administrasyon.
