Naghampang si US President Joe Biden sa Democratic national convention kun sain inenganyar kaini an nacion na i-elihir si Kamala Harris ngani na maprotehiran an demokrasya sa nacion.
Sa laog nin limang dekadang karera sa politika, nagpahayag man nin pasasalamat si Biden sa mga Amerikano na nagboto saiya sa nakalihis na mga taon.
Marurumduman na si Harris an napili kaining magribay saiya sa pagdalagan sa November elections kun sain makakatapat an Republican na si Donald Trump.
Sinabi man ni Biden na an pagpili ki Harris bilang bise presidente niya an pinakamagayon na desisyon na ginibo niya sa saiyang karera.
