LEGAZPI CITY-Ipiglunsar kan United States Postal Service (USPS) an sarong commemorative stamp bilang pagpupugay sa boxing legend na si Muhammad Ali sa saiyang banwaan sa Louisville, Kentucky.
Tampok sa selyo an ladawan ni Ali kan kasagsagan kan saiyang karera bilang boksingero.
Segun sa United States Postal Service, nasa 22-milyong selyo an naambag na kada saro an igwang ladawan ni Ali hale sa sarong Associated Press photo kan 1974 kun sain nakataas an saiyang kamao sa fighting stance.
Kapansin-pansin man an apelyidong “ALI” na nakasurat sa itom asin pulang mga letra.
Kasama man sa komemorasyon an sarong stamp sheet na may hiwalay na ladawan ni Ali na nakasulot nin pinstripe suit, bilang pagbisto sa saiyang papel bilang aktibista asin humanitarian.
Namaaram an boxing legend kan 2016 sa edad na 74 makalihis madapuan nin Parkinson’s disease.
Bisto siya “The Greatest,” asin nakaresibe nin kadakol na honra kaiba an Olympic gold medal kanm 1960, United Nations Messenger of Peace Award kan 1998, asin an Presidential Medal of Freedom kan taong 2005.
