Personal na oobserbaran ni United States Defense Secretary Lloyd Austin III an pagpapahiling kan Philippine Navy kan saindang T-12 unmanned surface vessels.
Gagamiton ini sa pagprotehir kan soberanya asin mag-ooperate sa Philippine exclusive economic zone sa West Philippine Sea.
Makakaolay kan US official si Presidente Ferdinand Marcos Jr. kaibanan sinda Defense Secretary Gilbert Teodoro asin iba pang mga opisyal kan gobierno.
Sa Martes, nakatalaan man na bisitahon kan opisyal an Western Command kan Armed Forces of the Philippines na naka-base sa Palawan.
Marurumduman na enot ng inanunsyar ni Austin na mawot kan Estados Unidos na makapagtao nin dugang na $500 milyon na foreign military financing sa Pilipinas ngani na mapakusog an seguridad.
