LEGAZPI CITY-Nagin epektibo an pagpapaotob kan ‘Unified 911 system’ basado sa sarong assessment kan polisya.
Segun kay San Miguel Municipal Police Station Police Captain Renee Albao, sa intrevista kan Bombo Radyo Legazpi, na pig-adopt ini kan gabos na mga himpilan kan kapulisan ngani tulos na makapag-responde sa mga namamanwaan.
Dagdag pa kan otoridad na nagin epektibo an stratehiya huli sa natatawanan ninda nin tulos na response an mga namamanwaan sa kun ano man an saindang mga kahagadan.
Awtomatiko man suboot an nasabing lakdang maski sa iba pang lugar hale an pag-apod, asin ipapasa sa saindang mga linya, na tulos man nindang pigtatawanan nin aksyon.
Mas napapadali man suboot kaini an saindang pagresponde, huli sa aram na kan mga namamnwaan kun sain maapod.
Pagirumdom man kan otoridad sa mga kababayan na dai pag-kawatan o gibuhon na “trip” sana an pagapod asin gibuhon na sagrado para magin maayos an pagresponde kan mga kapulisan.
