Ikinahandal kan United Nations an matinding danyos asin epekto sa mga tawo kan Lebanon kan padagos na mga pag-atake kan Israel.
Segun sa United Nations Refugee Agency (UNHCR), an pinahiwas asin pinakusog na mga pag-atake kan Israel an nagresulta sa paghale kan kadakol na mga sibilyan.
Labi 1.2 milyon katawo an napiritan na mag-ebakwar sa saindang mga harong poon kan sakyadahon kan Israel an Lebanon.
Sa pag-agi suboot kan mga aldaw, padagos na nagdadakul an mga residente na nag-eebakwar.
Kulang man an temporaryong istaran para sa mga pig-eebakwar huli kan kariribukan.
Magigirumduman na pinakusog kan Israel an mga pag-atake kaini sa Lebanon pagkatapos na maglansar nin mga missile an mga Hezbollah militant hale sa Lebanon kasabay kan pinagsararong pag-atake kan Israel asin Estados Unidos sa Iran.
