LEGAZPI CITY-Uminabot na sa Saudi Arabia si Ukrainian President Volodymyr Zelensky.
Sinabi kaini na magkakaigwa sinda nin miting sa mga opisyal kan Saudi Arabia.
Enot na man na inalok ni Zelensky an Saudi Arabia kan saindang drone technology ngani mas mapauswag an seguridad sa rehiyon.
Ipig-orgulyo man kaini na igwa na sindang eksperyensya sa paggamit kan mga drones na talagang epektibo asin ginamit laban sa Russia.
Bilang kapalit kaini, kahagadan ni Zelensky sa Saudi Arabia an tabang ngani maipaglaban an Ukraine laban sa pananakop kan Russia.
