Binuksan na kan gobierno kan Ukraine ang bagong sistema nin paglaog kan mga estudyante sa Kharkiv kun saen ipigtugdok ini sa irarom kan daga huli pa man sa padagos na pambobomba kan Russia.
Segun sa lokal na gobierno, nasa 17,000 estudyante an nag-aadal na ngonian sa pitong underground schools sa ciudad, mantang tulo pang eskwelahan an piglalaomang mabukas sa masunod na taon.
Maging an pirang istasyon kan train an ginibong paramientras na classroom nganing maibalik an kadiit nin normal sa pamumuhay kan mga aki.
Sa ibong kan may pag-laom na magka-olay an Ukraine asin Russia para sa katuninongan, kadakol na magurang an tanggap na harayo pa an normal na pamumuhay.
Siring man, mawot kan mga ini na ma-eksperyensyahan kan saindang mga aki ang aktuwal na paglaog sa eskwelahan.
Segun sa report kan Reuters saro sa mga aking estudyante an saindang na-interbyu an maugmang nag-historya mapadapit sa saiyang enot na aldaw sa eskwelahan.
Sa ibong kan peligro, padagos an paghihingoa kan mga magurang, paratukdo, asin gobierno nganing maipagpadagos an edukasyon sa tahaw kan sigalot.
