Tinugutan kan gobyerno kan United Kingdom an Estados Unidos na gamiton an mga base militar kaini nganing magsagibo nin mga missile strike laban sa mga missile site kan Iran na suboot piggagamit sa pag-atake sa mga barko sa Strait of Hormuz.
Segun sa sarong pahayag kan Downing Street, nagkaigwa nin pagtiripon an mga opisyales kan U.K. nganing pag-olayan an mga tensyon sa Iran asin an pagharang kaini sa Strait of Hormuz, na pigkokonsiderar na sarong mahalagang ruta nin lana sa kinaban.
Napag-araman na nakasaad sa kasunduan an paggamit kan Estados Unidos kan mga base kan UK bilang parte kan “collective self-defense” sa rehiyon, kabali an mga operasyon na may katuyuhan na paluyahon an mga missile sites na ginamit sa pag-atake sa mga barko sa strait.
Enot kaini, sinayumahan ni U.K. Prime Minister Keir Starmer an kahagadan kan Amerika huli ta mawot niya munang masyerto na an anuman na aksyon militar an nasususog sa ley.
Alagad, an saiyang posisyon suboot an nagbago pagkatapos na magsagibo an Iran nin mga pag-atake laban sa mga kaalyado kan U.K. sa Middle East.
